Литва князства руские смЂле воевала

Текст написано руською мовою: Ђ=і


И так Кернос Литовское, a Гимбрутус Жъмонтское в сполной братерской милости и згодЂ по смерти отцевской розширили панства. Еднак же той народ литовский  през час долгий от початку своего панованя незначный был. Русь мЂла над ними звЂрхность и трибут от них отбирала, a меновите: всЂ пануючии княжата киевские землЂ Руской монархии отбиралы  от них в данЂ вЂники и лыка на вЂровки, a то для недостатку и неплодности землЂ, котрая еще не была выправна, и абы толко монарха руский свою зверхность над ними оказовал.



 

Аж потом Мендок и Витен з Гедимином, преславные и преважные оных панств княжата, взявши пред себе оный прирожоный свой анимуш, и долго оное ремесло рицерское, порохом припалое, з земли поднесли, почали  ся  з ярма руского, которое  ся было з антецессаров (попередників)  их, зачало выбивати княжатом  руским. И так силными были, же не тылко ярмо их з себе зскинула  Литва, але тежь оных самых до того ж привели, же им мусЂли трибут, або дань, през час долгий давати, a звлаща в тые часы, гды сами межи собою княжата руские гинули воюючися, a до того зась от татар ажь  дощенту знищеныи  и вытраченыи.

Потым, гды в Лит†люду великия  личба розмножилася, почали переходити за рЂку Вилию в Завилийскую землю, котрую на той час княжата руские держали, и там жмойт  в пустынях осажатися почала. B той же Лит†Кернос замок заложил и мЂсто над рЂкою Вилиею збудовал и от своего имени Керно намЂнил. Потом Кернос, маючи частыи  наЂзды в Вилийской осадЂ от князей руских, умыслил  моцью  отбитися, а, злучивши войско свое литовское Завилийское з братом Гимбрудом, князем жмойтским, тягнул в руские панства ку Берестю, которого теперь зовут  Литовским (а на той час належал до князства Полоцкого), a там волости руские окрутне сплюндровавши, здобычи и полону набрали без отпору, a потым до самого Полоцка, здобычи до своих литовских  яскинь отславши, тягнули. Котрое то Полоцкое князство все сродзе сплюндровали и люду велми много руского в полон забрали.

A тое ся Лит†и Жмойди в той час зс тоей причины в Руси щастило, гды половцы з народу готтов, также побратимове литовские, з княжатем своим секал руские князства, по двакрот бурили, яко о том выйшей  ся описало. Сами тежь  княжата руские сполне собЂ очи лупили, аж Болеслав СмЂлый, кроль полский, Изяслава на Киев силою впровадил, и были на той час в  Руси  великие страхи и ростирки для внутрной войны, иж з десперации (відчаю) всЂ хотЂли утЂкать; в той же час Полоцкое и иншие князства руские смЂле литва воевала…

Добавить комментарий

Ваш e-mail не будет опубликован. Обязательные поля помечены *

*