КРОИНИКА Ω КОРОЛЕХЪ ПОЛСКИХЪ, РУСКИМЪ ЯЗЫКОМЪ СПИСАННАЯ, РОКУ ОТ РОЖДЕСТВА ХРСТВА 1673

КРОИНИКА Ω КОРОЛЕХЪ ПОЛСКИХЪ, РУСКИМЪ ЯЗЫКОМЪ СПИСАННАЯ, РОКУ ОТ РОЖДЕСТВА ХРСТВА 1673

Хронику написано старо-українською: руською мовою (Ђ=і).

 

В уривку оповідається про події Кревської Унії , коли Велкий князь Литовський, Руський і Жмудський, Ягайло, одружившись з польскьою королевою Ядвигою, став Королем Польським.


ЯГАЙЛО

Року 1386 Ягело, великиї кн̃зь литовски, з братами своими Борисом, Звидригаиломъ и Витолдом, свЂтло вьЂхалъ до Кракова февраля 12-г дн̃я, от всЂхъ вдячне и з радостью приняты. Впроваженыи до Кракова, до кролевои в замокъ, дн̃я 14 февраля зь своими братами окрестилъся, і Владиславом назван. I Великое княжение Литовское, Жмудское и Руское, Подолское, якъ обЂцал, прилучилъ и присягою подтвердилъ. Того жь дн̃я і венчался з королевою Ядвигою. Зараз в пость великии поЂхалъ до Великои Полскои и тамъ розрухи всЂ успокоил. Потом поЂхал до Литвы зь множеством панов полских и з архиепископом гнезненским, з ним жє Семовитъ мазовецкии и Конрад алесницкиі, кн̃зи. И приЂхавши до Вилня, справиль тое, же Литва и Жмод окрестилася. Там же, подавши справоване княжения Литовского Витолду, вернулся до Полскои и просто пошол на Слонскь воевати. Тамъ, побравши мЂста, вернулся додому.

Умерла затымъ Ядвига, і взялъ Ягело за себе Анну Венгерску, дочку  граби цилииского. Потом по килкакроть самъ из братомъ Витолдомъ воевал з прусами моцно и звитязства над ними одержовал. Умерла потом другая жона Ягелонова,  і взялъ третию жену, старую Гелжбету Грановскую, дочку Отона з Билцы, воеводы сендомирского. Тых жє часовь, повЂдаетъ БЂлскии, ижь Витолдь взял Киевъ под Владимеромъ, кн̃земъ киевскимъ, и татаровъ громилъ.

Але другим разом от воискъ Темерляна, валечного цр̃я татарского, был розграбленныи и розбиты року 1398. Тои Темерлян, повЂдаютъ, страшен былъ всему свЂту, мЂвал по дватцатикротъ сто тысячеи воиска, Азию, немал всю посЂль былъ, Баезета, цесаря турецкого, звитяжил і в желЂзнои клЂтцЂ возил. На него вьступуючи, всЂдал на коня.  Гды которого мЂста добывал, едного дн̃я седЂль под бЂлымъ наметом, значачи свою ласку, если здадутся, другого дня под червоннымъ наметом, значачи за упоръ кровопролитиє, третего — под чорнымъ, значачи всего мЂста спустошеня и знищене.

Три жоны гды поумирали Ягеловы, всЂ без потомства, взял Ягело четвертую Софию, дочку кн̃зя киевского, которая уродила сновь Владислава и Казимера. Потомъ кролъ Ягело, состарЂвшися, умерлъ, зоставивши двох сн̃овь, Владислава и Казымєра, и похованъ в КраковЂ.

Добавить комментарий

Ваш адрес email не будет опубликован. Обязательные поля помечены *

*