Інвентар Кременецкому замку — 1480 рік

Текст написано руською мовою:

1. «ѣ» читається як «і»

2. Приголосні перед «и» та «е» читаються твердо


Што на Кременьцы подано :

Три фуклери, а чотыри прохницы, а пушек малыхъ 6, а пищаль одна, а великихъ пушекъ на городѣ 4. A челяди дворное што въ городѣ: три паробки, а чотыри жонки, а двѣ дѣвъцѣ. А у дворцы въ королевомъ, миля отъ города: тамъ вь томъ дворцы жонка зъ дѣтми сама четверта. A клячъ трое, а волы три,  а жита поль-четверты стирты , а у стиртѣ по двѣстѣ копь ржи; а на поли жита посѣеного досыть; а  въ городѣ пушечного пороху пол бочки, а шиповъ годныхъ бочка.


 

A тамъ ѣздилъ есми до Кузмина ставовъ глядѣти, ино въ Кузминѣ ставъ со млиномъ, але спущать его нельза. A на Горинѣ ставъ, што небожчникъ Семенъ заставилъ, а ступа; а съ того млына идеть нa городъ мѣрки, тымъ млыномь можеть се городъ живити хлѣбомъ, а на спустъ добрій ставъ; а третій ставъ оть города миля и млынъ на томъ ставу, а съ того млына тежъ на городъ жито везуть а дани полтрети колоды у стожку, а мыта прійдеть копъ зъ двадцать на годъ. A у волости чоловіковъ полчетверта ста, а на мѣстѣ дворовъ тридцать.

Добавить комментарий

Ваш адрес email не будет опубликован. Обязательные поля помечены *

*